كلمات أغنية الجوكر (العقد) 2019

كلمات أغنية الجوكر (العقد) 2019

الأخبار
Ahmed Rakishy13 أبريل 2019آخر تحديث : منذ أسبوع واحد
0 / 5 (0 votes)

الجوكر مغني راب مختلف، لا يغني فقط بل يؤلف كلماته أيضا، يستخدم المادة العلمية فى أغانيه بمعـنى أن  أسلوبه يبتعد عـن السطحية والبساطة التي تتسم بها معظم كلمات أغاني هذا العصر، ولكن تجد أسلوبه يعتمد عـلـى عمق المعـنى وقوة كلماته، ويستخدم المجازية والتورية أي أن كلماته تحمل معـنيان أو أكثر.

وفـي هذه الأغنية “العقد” يتحدث مع حبيبته ويلومها عـلـى ما وصلوا إليه وما يشعر به الآن بسببها، حيث أنتهى كل شئ بينهما وهوى مثل حبات العقد تباعا.

كلمات أغنية العقد 2019

أكيد كان ليها حلول

وأكيد مـننا فـي طرف مسؤول

كان سهل النهاية تبقى نقطة بداية

لو سعينا لحل وسط معقول

 

فـي طرف استُنزِف اهتمامه

وطرف مشافش إلا نفسه قدامه

طرف كان بيخسر ، والسكة مش بتقصر

يوميا بيدفع تمـن إدمانه

 

كنتي كل حاجه عكسي وبتشدني

قبلت عشانك اتهد ، وشخص تاني يتبني

اتغيرت .. عـلـى أمل تتغير يوم لما تحبني

قال يعـني الريح هتبقى نسمة لو الشجر ينحني

 

عشت معاكي فرحة .. معشتش مـن آخرها

انتي كل ذكرى ببتسم لو افتكرها

فـي حاجات -وانا بحكي عـنك- الوجع يقولي أنكرها

يسألني الحنين: وتحكي ايه؟ .. محيلتكش غيرها

 

الهجر .. مُر اللوم .. طول الليل .. صعوبة النوم

تُقل الحمل .. بُطء اليوم .. وسع الفجوة .. ضيق الكون

مكالمة صلح فـي انتظارها تقلت الثواني

كل إتصال جريت عليه ، وطلع مـن حد تاني

 

عاملة مش مضمونة .. مـ اللحظة الأولى

عشان أسعى إنك تفضلي موجودة

وأضحي .. مـن غير ما أسأل ده فـي مقابل ايه

انتي عايزة حد تكسريه .. مش تتسندي عليه

 

أكيد جبت آخري لسبب

مفـيش إحساس مـ العدم

اخترت معشش فـي ندم

مادام كده كده فـي ألم

 

ماهو مش معـنى إني قبلت تفتري

مش مـنطق تبيعي واشتري

نَفَسي بيطول لو أتغري

لكن جريني فـي طريق يتجري

 

رُب قَشةٍ ضاقَ لها الصدرُ اتساعا ً

فهوى كُل شىءٍ كحباتِ العُقدِ تباعا ً

 

مـن ساعتها بكابر ، وبكبت المشاعر

مضغوط –مـن غير ضغوط- عشان بعافر

عشان صلب أبان .. كإن الصعب هان

كإن لوح التلج –انا- مفـيش جواه بركان

 

انتي فضلتي تزيدي الحمل لآخر نفس فـيا

واللي أجبرتيني إني أرسم شرخ فـي الخلفـية

سبتيني وسط وادي الموت ماسك فـي كوم حجارة

ورافع عملتين الرشوة لقائد العبارة

 

لو حياتك وقفت .. كان الوضع اتغير

لكن سرعة شفاكي .. خليتني أبان صغير

مش قالوا نور اليوم بيدخل مـن شروخ الأمس

آدي الشروخ فـي كل سم .. فـين الشمس ؟

 

أكيد جبت آخري لسبب

مفـيش إحساس مـ العدم

اخترت معشش فـي ندم

مادام كده كده فـي ألم

 

ماهو مش معـنى إني قبلت تفتري

مش مـنطق تبيعي واشتري

نَفَسي بيطول لو أتغري

لكن جريني فـي طريق يتجري

 

فـي الأول والآخر ده نصيبنا

ارتحنا وتعبنا .. فرحنا وزعلنا

بعدنا ورجعـنا .. اشتقنا وزهقنا

كان نفسي تبوش مشاكلنا

 

مـ الأول قولتلك حياتي صعبة .. قولتي ميل

حكيتلك عـ الحمل اللي شايله .. قولتي معاك هشيل

كنت فاكر إني لقيت الضهر ، وإني لقيت شريك

ومصدقتش إنه طُعم وانا بتشد مـ المحيط

 

فجأة النفس يضيق ؛ فبنراجع نفسنا

يادوب غمضنا لحظة .. إزاي وصلنا هنا

يادوب عدينا غلطة .. معدناش كل ده

يادوب طاطينا مرة .. إزاي اتداسنا كده

 

فـ انا بلومك مـن غضب انا فـيه

كنت شايف عـندك أكتر عشاننا تعمليه

كنت شايف استهتارك باللي بيننا بيزيد

كنت شايف ورد بيدبل ورافضه تسقيه

 

أكيد جبت آخري لسبب

مفـيش إحساس مـ العدم

اخترت معشش فـي ندم

مادام كده كده فـي ألم

 

ماهو مش معـنى إني قبلت تفتري

مش مـنطق تبيعي واشتري

نَفَسي بيطول لو أتغري.

الجوكر فـي اعتقادي اسم مـناسب له، معظمـنا رأى شخصية الجوكر فـي فـيلم باتمان كانت شخصية مختلفة تماما عـن الطبيعي وأبهرت كل مـن شاهدها، ونرى الجوكر المغني أيضا مختلف فـي أغانيه عـن الطبيعي بحيث لا نرى مـن يشبهه فى أسلوبه.

← آخر خبر:

قد يهمك أيضاً:

المصدرأخبار عربية – بوابة نجوم مصرية